Bärtschi, Christian: Brattig

D Brattig ischt ä Jahreskalender, wa fru?ejer i fascht jeder Stuben aazträffe gsy ischt. Im Schwyzerischen Idiotikon läse wer, dass söttig Kalendera uf em Land neben der Bibli nog am Aafang vam 19. Jahrhunderts fascht der inzig Läsistoff gsy syge. Kalendera hiin öppis mit der Zyt z tu?e. Syt Jahrtuusige hii d Mentsche prabiert, ir abluuffende Zyt ä gwu?ssi Ornig z erchene. Mit het ds Jahr i Maaneta, Wuchi u Taga uftiilt. Mi het gwu?sst, dass nam strenge Winter der Ustig chunnt u den der Summer u Herbscht. Ds Wu?sse um ds Ybbettetsy i kosmische Rhythme het dem Mentsch Sicherhiit ggää. Ds Wahrnäh u d Bedu?ttig va gröesere u chlyndere Zykle het sig in de Brattige nidergschlage. Mi het drind chöne läse, was ma ir kommende Zyt z erwarte het (Wäldlaag, Wätter, Saat un Ärnt usw.). Aber og bruchbari Ratschleeg i Bezug uf d Gsundhiit u ds Wohlbefinde va Mensch, Tier un Umgäbig het in däne Kalendere Ygang gfunde. Zudäm hescht ir Brattig wichtigi Ereignis usem Huus, dem Stall u Fäld schriftlig chöne feschthalte.